కె.జి.రామనాథన్

కె.జి.రామనాథన్
కె.జి.రామనాథన్
Born	నవంబరు 13, 1920; హైదరాబాదు, బ్రైటిష్ ఇండియా
Died	మే 10, 1992 (వయస్సు 71); ముంబాయి, భారతదేశము
Citizenship	భారతీయులు
Alma mater	ప్రైన్సెటన్ విశ్వవిద్యాలయం.
Occupation	గణిత శాస్త్రవేత్త
Spouse	జయలక్ష్మీ రామనాథన్
Awards	పద్మభూషణ
	Scientific career
Fields	నంబర్ థియరీ
Institutions	TIFR
Doctoral advisor	ఎమిల్ ఆర్టిన్
Doctoral students	సి.పి.రామానుజన్; కనకనహళ్లి రామచంద్ర

కొల్లగుంట గోపాల అయ్యర్ రామనాథన్ (నవంబరు 13, 1920 - మే 10, 1992) భారతీయ గణిత శాస్త్రవేత్త. ఆయన గణిత శాస్త్రంలోని "నంబర్ థియరీ"లో ప్రసిధ్దులు. ఆయన రచనలు భారతదేశంలో గణిత శాస్త్ర పరిశోధనల అభివృద్ధికి తోడ్పడినాయి.

జీవిత విశేషాలు

కె.జి.రామనాథన్ దక్షిణ భారతదేశం లోని హైదరాబాదులో జన్మించారు. ఆయన హైదరాబాదు నిజాం కళాశాలలో బి.ఎ చదివారు.మద్రాసు లయోలా కాలేజి నుండి ఎం.ఎ (గణిత శాస్త్రం) ను 1942లో చేసారు.తొలుత అన్నామలై విశ్వవిద్యాలయంలో అసిస్టెంటు లెక్చరర్ గా (1945-46), హైదరాబాదు లోని ఉస్మానియా విశ్వవిద్యాలయంలో లెక్చరర్ గా (1947-48) పనిచేసి పి.హె.డి నిమిత్తం అమెరికా వెళ్లారు. ఆయన అమెరికాలోని ప్రిన్సెటన్ విశ్వవిద్యాలయంలో పి.హెచ్.డి పూర్తిచేసారు. ఆయన డాక్టరల్ అడ్వైజర్ "ఎమిల్ ఆర్టిన్". ఆయన ప్రిన్స్‌టన్ విశ్వవిద్యాలయంలో "హెర్మన్ వైల్", "కార్ల్ సైగెల్: లతొ కలసి పనిచేసారు. ఆయన 1951లో భారతదేశానికి తిరిగివచ్చి కొలాబా లోని టాటా ఇనిస్టిట్యూట్ ఆఫ్ ఫండమెంటల్ రీసెర్చ్ లో కె.చంద్రశేఖరన్ బృందంలో పనిచేసారు.

ఆయన జయలక్ష్మీ రామనాథన్ ను వివాహమాడారు. ఆయనకు ఇద్దరు కుమారులు.వారు అనంత్, మోహన్. కె.జి.రామనాథన్ కు నలుగురు మనుమలు.

కెరీర్

TIFR లో ఆయన భారతదేశంలో యువ గణితశాస్త్రవేత్తల బృందంతో కలసి "నంబర్ థియరీ"ని అనేక సంవత్సరాలపాటు అభివృద్ధి చేసారు. ఆయన శ్రీనివాస రామానుజన్ యొక్క ప్రచురించిన, ప్రచురితం కాని పనులపై ఆసక్తి చూపారు. ఆయన "ఆర్కా అరిథెమెటికా"కు 30 సంవత్సరముల పాటు ఎడిటోరియల్ సభ్యునిగా యున్నారు. ఆయన 1985 లోTIFR నుండి పదవీవిరమణ చేసారు.

అవార్డులు

రామనాథన్ 30 సంవత్సరాల సర్వీసులో అనేక అవార్డులను పొందారు.

పద్మభూషణ, 1983
శాంతిస్వరూప్ భట్నాగర్ పురస్కారం, 1965^[1]
ఇండియన్ అకాడమీ ఆఫ్ సైన్సెస్ ఫెలోషిప్.
ఇండియన్ నేషనల్ సైన్స్ అకాడమీ వారి ఫెలోషిప్
TIFR వారి గౌరవ ఫెలోషిప్.

కొన్ని ప్రచురణలు

On Ramanujan’s continued fraction, KG Ramanathan - Acta Arith, 1984
Some applications of Kronecker’s limit formula, KG Ramanathan - J. Indian Math. Soc, 1987

మూలాలు

↑ "Hand book of santhiswaroop bhatnagar prize winners, Ramanathan, K Gopala - Quadratic form; Modular functions and discontinuous groups work on Ramanujan's notes" (PDF). Archived from the original (PDF) on 2011-07-21. Retrieved 2016-05-13.

ఇతర లింకులు

వర్గం:1920 జననాలు వర్గం:1992 మరణాలు వర్గం:పద్మభూషణ పురస్కారం పొందిన తెలంగాణ వ్యక్తులు వర్గం:భారతీయ గణిత శాస్త్రవేత్తలు వర్గం:శాంతిస్వరూప్ భట్నాగర్ అవార్డు గ్రహీతలు వర్గం:హైదరాబాదు జిల్లా శాస్త్రవేత్తలు

[1] "Hand book of santhiswaroop bhatnagar prize winners, Ramanathan, K Gopala - Quadratic form; Modular functions and discontinuous groups work on Ramanujan's notes" (PDF). Archived from the original (PDF) on 2011-07-21. Retrieved 2016-05-13.

[1]